Кўпчилигимиз асосий таҳдид ташқаридан келади, деб ҳисоблаймиз. Аммо баъзан корпоратив маълумотларга олиб борадиган йўл компания аллақачон ишонч билдирган ҳамкордан бошланади.
Black Kite тадқиқотига кўра, битта пудратчининг компрометатсия қилиниши ўртача у билан боғлиқ бешдан ортиқ ташкилотга таъсир қилади. Агар ҳужумчилар хизмат кўрсатувчи компания инфратузилмасига кириш имкониятини қўлга киритса, улар ишончли уланишлардан фойдаланиб, унинг мижозлари тармоқларига ҳам кириб бориши мумкин.
Бу яна бир бор шуни кўрсатадики, компания хавфсизлиги нафақат ички жараёнларга, балки у ҳамкорлик қилаётган ташкилотларнинг хавфсизлик даражасига ҳам боғлиқ.
Нималарга эътибор бериш керак?
- Пудратчига берилган кириш ҳуқуқлари ҳақиқатан ҳам унинг вазифаларини бажариш учун зарурми?
- Ишлар якунлангандан сўнг ҳисоб ёзувлари ўз вақтида ўчириб ташланадими?
- Корпоратив тизимларга ташқи уланишлар ким томонидан назорат қилинади?
- Ҳамкорлик бошланишидан олдин пудратчининг ахборот хавфсизлиги даражаси баҳоланадими?
HUSH платформасида ходимлар корпоратив маълумотлар билан хавфсиз ишлаш, кириш ҳуқуқларини бошқариш ҳамда ташқи сервислар ва пудратчилар билан хавфсиз ҳамкорлик қилиш тамойилларини ўрганадилар. Ушбу билимлар таъминот занжири (Supply Chain) орқали амалга ошириладиган ҳужумлар хавфини камайтиришга ёрдам беради.
Ҳатто ишончли ҳамкор ҳам ҳужум учун кириш нуқтасига айланиши мумкин. Шу сабабли киберхавфсизлик — бу компаниянинг барча ташқи алоқаларини тўғри ва назорат остида бошқаришдир.